Við erum búinir að taka í notkun nýja heimasíðu fyrir knattspyrnudeildina og er slóðin inn á hana  www.123.is/leiknirfaskrudsfirdi        Þar með hættum við með þessa síðu og verða allar upplýsingar að finna á nýju síðunni okkar það er að segja æfingaplan, leikjaplan fyrir alla flokka félagsins.  Eins verður öll umfjölun um leiki félagsins einnig þar að finna.  Endilega setjið þessa slóð inn í (favorites) hjá ykkur.

Kveðja Óðinn.

Æfing í kvöld. mæting kl. 19:00 v/Leiknishús, æfingin verður á Stöðvarfirði.

Á sunnudaginn spiluðum við æfingaleik gegn Sindra í Nesjahverfi rétt utan við Höfn. Þetta var fyrsti grasleikurinn hjá okkur og fundu menn verulega fyrir því enda mikill mosi í vellinum. Æfingaleikur, já þetta átti að vera æfingaleikur en persónulega fannst mér sumir taka þessum leik einum of alvarlega og þá helst nokkrir leikmenn andstæðinganna. Strax í upphafi kemur sending inn fyrir vörn okkar og leikmaður þeirra rennir sér á móti Óðni sem kemur út á móti boltanum. Óðinn fótbrotnar og spilar ekki með okkur meir í bili. Verða menn ekki að spá í hvað menn eru að gera í æfingaleik rétt fyrir mót???? Leikmanni Sindra fannst ekkert athugavert við þetta og bað Óðinn ekki einu sinni afsökunar. Nokkur atvik komu upp í fyrri hálfleik sem verðskulduðu spjöld en dómarinn hélt eins og ég að þetta væri æfingaleikur og ætlaði að láta spjöldin liggja milli hluta en þurfti svo að beita þeim síðar í leiknum. Leikmaður þeirra sparkaði boltanum tvisvar í burtu þegar við vorum að fara taka aukaspyrnu og annar leikmaður sló til Almírs og engin fékk spjald. Réttilega áttu þeir að vera tveimur færri í hálfleik. Leikurinn endaði 4-2 fyrir þeim og voru mörkin í ódýrari kantinum þ.e. við vorum að tapa boltanum á klaufalega aftarlega á vellinum. Daði skoraði gott mark og einnig Auras sem spilaði fyrsta leik sinn fyrir félagið.

Mér fannst persónulega framkoma leikmanna Sindra hlægileg og ekki síst þjálfara þeirra sem sífellt var að væla í dómaranum sem gerði þeim greiða að dæma æfingaleik sem skiptir ekki neinu einasta máli. Já og svo að láta stelpuna á línunni heyra það o.s.frv.

Ég trúi hreinlega ekki að leikmenn þeirra hafi gaman af fótbolta eftir þennan leik og það staðfestir leikmaður þeirra  er hann kemur til okkar og biður afsökunar á framferði sínu í leiknum og hann hafi misst sig í leiknum.

Batnandi mönnum er best að lifa

Kv. Viddi

Æfing á miðvikud. kl. 18:30 á sparkvelli (mæta m/hlaupaskó).  Næsta æfing á fimmtud. kl. 19:30 á sparkvelli.  Leikur á sunnud. kl. 15:00 á Höfn.
         

Villi, Viddi, Edin, Jói, Olgeir, Daði, Kenan, Reynir, Almir, Hilmar, Halli, Björgvin St. og Marinó  +  Matthías  hliðvörður.
Mæting kl. 16:30 v/íþróttahús.
Kv. Villi

Á laugardaginn mættum liði KFF í Boganum Akureyri í B-deildinni í deildarbikarnum. Fyrri hálfleikur einkenndist af því að við vörðumst aftarlega á vellinum og sóttum hratt þegar við unnum boltann. Það gekk mjög vel og boltinn hélst vel innan liðsins og margar góðar sóknir litu dagsins ljós þrátt fyrir að færin létu standa á sér. KFF fengu sín færi og áttu meðal annars skot í slá og Óðinn var vel vakandi í markinu og tók það sem á markið kom. Að mínu mati var leikurinn í nokkru jafnvægi þó þeir væru meira með boltann þar sem við bökkuðum og lokuðum á þá eftir fremsta megni. Markalaust í fyrri hálfleik. Við hófum seinni hálfleikinn eins og þann fyrri þ.e. vörðumst aftarlega og sóttum hratt þegar við unnum boltann. Á 63. mínútu uppskárum við mark eftir skyndisókn er Viddi fékk sendingu innfyrir og skoraði. Það sló þá nokkuð út af laginu en virkaði sem vítamínsprauta fyrir okkur. Kenan skoraði svo gott mark með skalla eftir hornspyrnu á 72. mínútu. Eftir það þyngdu þeir sókn sína og áttu m.a.skot í slá. Á 82. mínútu skoraði leikmaður KFF með skalla eftir aukaspyrnu á kantinum. Aukaspyrnan fer frekar tæp þar sem Hilmar í 4.fl. vann leikmann KFF á sprettinum og var augljóslega á undan og náði boltanum. Dómarinn mat það sem svo að Hilmar hefði brotið af sér og upp úr því skora þeir markið. Hvað um það, við vorum orðnir verulega þreyttir og misstum hreinlega einbeitingu og það kostaði okkur jöfnunarmarkið á 85. mínútu en það var í meira lagi ólöglegt er leikmaður KFF skóflaði hreinlega boltanum með sér með hendinni og skoraði gott mark. Þar við sat og lokatölur 2-2.

Við getum verið ánægðir með leikinn í heild en ljóst að við þurfum að klára leikina betur en það er nógur tími til að bæta þar um. Við vorum að spila fínan bolta og baráttan var til staðar. KFF er sterkt lið en ég er ekki sammála grein þeirri sem einhver úr þeirra herbúðum skrifar. Þar koma m.a. fram eftirfarandi fullyrðingar..... 

 “ Enn og aftur yfirspilar KFF andstæðinga sína án þess að ná að klára dæmið.”

“Svo fór samt að pressan skilaði 2 – 2 jafntefli”

Við vörðumst aftarlega á vellinum og spiluðum agaðan varnarleik og beittum skyndisóknum. Við spiluðum skynsamlega og augljóslega voru þeir þá meira með boltann. En eitt er víst að við vorum ekki yfirspilaðir í þessum leik en leikskipulag okkar var með því móti að við buðum þeim að hafa boltann meira í leiknum en spiluðum vel úr okkar spilum. Yfirspilaðir, nei, því er fjarri. Héldu þeir pressu á okkur allan leikinn?? Var ég ekki að spila þennan leik?

Lið okkar var þannig skipað að Óðinn var í markinu. Jói, Kenan, Edin og Olgeir öftustu fjórir og Almír og Reynir þar fyrir framan. Viddi á vinstri kantinum, Egill á hægri og Villi framarlega á miðjunni. Daði var einn á toppnum.

                                    

Halli kom inn fyrir Jóa á 51 mín. og Hilmar kom inn fyrir Villa á 75 mín.

Á fimmtudaginn mætum við Hetti í lokaleik riðilsins á Fellavelli kl. 18.30.

 

Kv. Veddsinn (ekki yfirspilaður og hana nú J)

 

 

Á morgun tökum við á móti Fjarðarbyggð í Boganum.

Það eru liðin tvö ár síðan þessi lið mættust í alvöruleik á vegum ksi  en sá leikur var leikin hér á Fáskrúðsfjarðarvelli og endaði hann 1-1 í hörkuleik.  Síðan skildu leiðir og Kff  tókst að komst upp úr 3 deild þetta ár og ætla sér stóra hluti í efri deildum.  Þetta er fjórði leikur okkar í deildarbikarnum og með sigri erum við komnir í mikla baráttu um að sigra riðilinn enn ef Kff tekst að vinna hafa þeir tryggt sér sigurinn í riðlinum.  Lið Kff er vel skipað og þar heldur gamla brýnið Þorvaldur Örlygsson um taumana.  Hans fyrstu leikmannakaup voru að fá Ingimar frá okkur Leiknismönnum og hefur Ingimar staðið sig með mikilli prýði í lið Kff og verður sárt saknað hérna Fásk.  Leikurinn hefst kl.16:00 og hvetjum við alla velunnara okkar á Akureyri og nágrenni að kíkja í Bogan á hvetja okkur til sigurs. 

 

Liðið á morgun.

Villi,Viddi,Óðinn ,Daði,Halli,Egill,Jói ,Edin,Kenan,Almir,Olgeir,Marinó,Björgólfur,Bergvin,Hilmar Reynir yaris

Kveðja Óðinn.

 

Í skoðanakönnuninni hér á síðunni var spurt hvort við ættum eftir sakna Svans og Ingimars í sumar. Hér eru niðurstöðurnar.

Ingimar og Svanur eru farnir í ný lið. Eigum við eitthvað eftir að sakna þeirra?
Nei það gerir ekkert til.
25%
Kanski smá.
10%
Já soldið.
6%
Já frekar mikið.
29%
Who cers
30%

Auðvitað eigum við eftir að sakna þeirra enda tveir af örfáum innfæddum í liði okkar í fyrra. Vegni þeim vel með nýjum liðum og megi guð og gæfa fylgja þeim í leikjum sumarsins.

Næsta æfing er á mánudaginn kl. 18.00. Bara bolti og fjör.

Kv. Viddi varaþjálfi

Næsta æfing hjá m.fl.kk. er á föstudaginn kl.14.00. Byrjum á að hlaupa í 20 mínútur og förum svo í bolta.

Sjáumst hressir drengir!

Kv. Viddi varaþjálfi

Leik okkar gegn Fjarðabyggð hefur verið frestað um óákveðin tíma.

Næstkomandi sunnudag kl.17.00 mætum við KS/Leiftur í B-deild deildarbikarsins. Nú þegar hafa bæði lið keppt tvo leiki í riðlinum, við unnið einn og tapað einum og þeir tapað einum og gert eitt jafntefli. Við stefnum á sigur og mikilvægt að slípa liðið saman fyrir sumarið þar sem við setjum stefnuna á úrslitakeppnina. Við hvetjum alla norðlenska Fáskrúðsfirðinga til að mæta og styðja okkur.

Sjáumst í Boganum kl. 17.00 á sunnudaginn

	Félag	L	U	J	T	Mörk	Net	Stig
1	Höttur	3	2	0	1	9  -    6	3	6
2	Fjarðabyggð	3	1	2	0	4  -    3	1	5
3	Magni	3	1	1	1	4  -    5	-1	4
4	Leiknir F.	2	1	0	1	2  -    2	0	3
5	Völsungur	3	0	2	1	3  -    5	-2	2
6	KS/Leiftur	2	0	1	1	3  -    4	-1	1

Kv. Viddi

Í dag gerðist sá merkis viðburður að samningar náðust við gamlann félaga sem hefur látið skóna rykfalla um nokkra hríð.  Þessi félagi vor var á árum áður einn atkvæðamesti varnarmaður Leiknis og vakti athygli fyrir drengilegan leik hvar sem liðið spilaði. 

Þeir sem ekki hafa nú þegar getið sér til um það hvern er hér verið að tala um skulu upplýstir um að formaðurinn sjálfur, Steinn Jónasson, hefur ákveðið að taka fram gömlu röndóttu Gola takkaskóna sína og slást í lið með félaginu í sumar.  Þessa ákvörðun tók formaðurinn eftir að hafa gert sér grein fyrir því að aftasta varnarlínan hjá okkur virðist nokkuð veikburða um þessar mundir. 

Samningar standa einnig yfir við Elvar Óskarson "miðherja" en enn sem komið hafa launakröfur hans verið félaginu ofviða.  Einnig þarf Elvar að lækka BMI stuðul sinn svo gott þyki.

Í gær skrifaði Almír undir 3 ára samning við KA. Að sögn forráðamanna KA höfðu þeir lengi haft augastað á honum og sáu hann spila gegn Magna um daginn. Almír fer norður næstu helgi og vonum við að sjálfsögðu að hann eigi eftir að plumma sig vel norðan heiða. Fyrir hjá KA hittir hann vin sinn Goran sem spilaði með honum í Bosníu fyrir 5 árum.

Glæsilegt hjá Almír!!

Glæsilegur leikur hjá okkur piltar sælir. Daði ætti líka að fá starf sem íþróttafréttamaður og taka við af Gaupa á Sýn, enda er Daði mikil mannvitsbrekka og þekkingarhóll er kemur að fræðum knattspyrnunnar. Góðör pistill Daðir minn. Þú færð fjórar Jennu J. stjörnur fyrir þetta.

Satt að segja bjóst ég við Völsungi beittari í þessum leik en við vorum fastir fyrir og létum þá ekki komast upp með neitt múður. En Völsungur er samt með léttleikandi lið, voru góðir með boltann þessir strákar. En fáskrúðsfjarðarmaskínan hrökk í gang og þá er ekki aftur snúið enda um guðlega sjögengisvél að ræða.

Óðinn Ómars spilaðir einnig mjög vel og gaman að sjá að búið sé að úða smá WD40 á þá riðhrúgu og er stautur bara nokk vel kominn undan vetri. Viddi stjórnaði miðjunni eins og herforingi og hljóp eins og svarti daninn Nilson Kipketer allan leikinn, og Villi hitaði varamennabekkinn og stakri snilld og var mjög þægilegt að setjast þar. Minnti á volga klósettsetu á almenningklósetti í kringlunni. Mjög heimilisleg og kósý ferð norður og næst á dagskrá er ferð norður 9. apríl að mig minnir, þar verður hin guðlega sjögengisvel sett aftur í gang.

Hlakkar til þá jááááá! hlakka til já! jááá! Reynir jáá!